നിശ്ചയമായും നീ എന്നിൽ 
എഴുതി ചേർക്കപ്പെടേണ്ട 
ഒരു അദ്ധ്യായമായിരുന്നു 
നാം അതിനെ 
നിമിത്തമെന്നു വിളിക്കുന്നു 
ആവർത്തിച്ചു വായിക്കപ്പെട്ട് 
നിശ്ചിത കാലയളവിൽ 
മായ്ച്ചു കളയപ്പെടുകയും 
ചില ഓർമ്മപ്പാടുകൾ 
അവശേഷിക്കുകയും ചെയ്യുമ്പോൾ 
അതൊരു നിയോഗമായിരുന്നു
എന്നു നാം തിരിച്ചറിയുന്നു
കാലം നമുക്കിടയിൽ
എത്ര സുന്ദരമായ ഒരു ചിത്രം
വരച്ചു കഴിഞ്ഞിരിക്കുന്നു.....
എനിക്കും നിനക്കും മാത്രം
കാണാൻ കഴിയുന്ന
വർണ്ണങ്ങൾ വാരിവിതറിയ
ഒരു സുന്ദര ചിത്രം.....